Post 7.2
देणाऱ्याने देत जावे;
घेणाऱ्याने घेत जावे.
हिरव्यापिवळ्या माळावरून
हिरवीपिवळी शाल घ्यावी,
सह्याद्रीच्या कड्याकडून
छातीसाठी ढाल घ्यावी.
वेड्यापिशा ढगाकडून
वेडेपिसे आकार घ्यावे;
रक्तामधल्या प्रश्नांसाठी
पृथ्वी कडून होकार घ्यावे.
उसळलेल्या दर्याकडून
पिसाळलेली आयाळ घ्यावी;
भरलेल्याश्या भीमेकडून
तुकोबाची माळ घ्यावी
देणाऱ्याने देत जावे;
घेणाऱ्याने घेत जावे;
घेता घेता एक दिवस
देणाऱ्याचे हात घ्यावे !
Post 7
मरगळलेले शब्द नसावे
सळसळणारे गीत असो
नफ़ा फ़ायदा सोडून देऊन
कळवळणारी प्रीत असो
विलक्षणावर प्रेम असावे
ऐरे गैरे साथ नसो
जिवंत उत्साहात मरावे
कोमेजून शंभरी नको
सदा सजन आकाश दिसावे
पंखावर काजळी नको
भुषण येवो दूषण येवो
मार्गावर कुंपणे नको
जाईन आज किंवा मी उद्या
उरेल ना काही माघारी
पण जे जगलो क्षणभर त्याचा
किंचित पश्चात्ताप नको
© नाम
Post 3
नाती फुलतात पण फुलं नव्हेत
नाती टोचतात पण काटे नव्हेत
कधीतरी भिजवतात नाती कोरडी
जी भिजवत नाहीत ती नातीच नव्हेत.
© नाम
Post 1
मंथन
मंथन तळ ढवळला सागराचा
आणि पुरते शोधले
शोधण्या अमृत गेलो
जहर भलते शोधले
खंजिराची पात हृदयी
कळ असे ना वेदना
व्रण कधी ना भरुन आला
मलम जरी ते शोधले
अंधश्रद्धा ही म्हणा
किंवा म्हणा आशा खुळी
माझीया हृदयात दडले
देव जर ते शोधले
दानवाच्या दर्शनाने
मी किती धास्तावलो
आरशातुन बिंब माझे
मी कितींदा शोधले
दानवांचा मी ऋणी
त्यांच्या मुळे कळले मला
धृवतारा मीच माझा
व्यर्थ जग ते शोधले
नाम २२ जानेवारी २००७
Subscribe to:
Posts (Atom)
-
Blog bookmark https://nurtureonesgraphics.blogspot.com/
