post 11

Post 9

 

Post 7

मरगळलेले शब्द नसावे

सळसळणारे गीत असो

नफ़ा फ़ायदा सोडून देऊन

कळवळणारी प्रीत असो

विलक्षणावर प्रेम असावे

ऐरे गैरे साथ नसो

जिवंत उत्साहात मरावे

कोमेजून शंभरी नको

सदा सजन आकाश दिसावे

पंखावर काजळी नको

भुषण येवो दूषण येवो

मार्गावर कुंपणे नको

जाईन आज किंवा मी उद्या

उरेल ना काही माघारी

पण जे जगलो क्षणभर त्याचा

किंचित पश्चात्ताप नको

 © नाम 

Post 1

मंथन

 

मंथन तळ ढवळला सागराचा 

आणि पुरते शोधले 

शोधण्या अमृत गेलो 

जहर भलते शोधले

 खंजिराची पात हृदयी 

कळ असे ना वेदना 

व्रण कधी ना भरुन आला 

मलम जरी ते शोधले

 अंधश्रद्धा ही म्हणा

 किंवा म्हणा आशा खुळी 

माझीया हृदयात दडले

 देव जर ते शोधले

 दानवाच्या दर्शनाने

 मी किती धास्तावलो

 आरशातुन बिंब माझे 

मी कितींदा शोधले 

दानवांचा मी ऋणी 

त्यांच्या मुळे कळले मला 

धृवतारा मीच माझा

व्यर्थ जग ते शोधले

 नाम २२ जानेवारी २००७