Thursday, September 25, 2014

नवरात्री उत्सव २०१४



Thursday, July 10, 2014

पंढरीची वारी




पंढरीची वारी
भक्तीचा मेळा
उत्सव पंढरीचा
जनसागर वारकऱ्यांचा 
~  विद्या पालकर

Wednesday, July 9, 2014

आषाढी एकादशी

                                          सर्वांना आषाढी एकादशीच्या हार्दिक शुभेच्छा !

Friday, June 27, 2014

परछाई




जेव्हा बुलंद करणे जमले स्वतःस नाही
परछाई मी स्वतःची करतो बुलंद आहे

क्षितिजाशी सुर्य जाता परछाई होत मोठी
पण हाय दो क्षणांनी जाते पुसून आहे

जाता दिव्यासमीप होतेच तीही मोठी
जवळीक जास्त करता चटकाच येत आहे

परछाई होय परकी मग कोण होय जवळी
आशा कुणाकुणाची मी बाळगून आहे
~ नाम
fb@ https://www.facebook.com/naamagumjaayegaa
Blog ~ http://marathikavyanama.blogspot.com

Wednesday, June 25, 2014

चारोळी

मधे..
थोडं अंतर राहुदे
क्षणभर तुला
डोळेभरून पाहुदे

============

तसा वाद नेहमीचा...
माझा माझ्याशी चालणारा
तुझा निसटता कटाक्ष...
मनाला छळणारा…

======

तू...
कानात सांगितलेली गोष्ट
मला अजून
ऐकू येते स्पष्ट…

============

कोणी विचारलं तू कसा आहेस?...
तर काय उत्तर द्यायचं मला कळत नाही
कळत नाही म्हणण्या पेक्षा या प्रश्नाचं उत्तर
मलाच कधी मिळत नाही…
==================

आभाळभर पाखरं
आणि ओंजळभर दाणे
आता कुणाला अधिक
तर कुणाला उणे…

===============

तू म्हणालीस आपण पाहिलेली स्वप्नं
उधार राहिली तुझ्यावर....
मी म्हटलं ठीक आहे हे ही ओझं
ठेऊन देईन आठवणीन्च्या ओझ्यावर.

===============

मनाची तहान....
पाण्याने भागत नाही
हे बरं की मनाची तहान
सगळ्यांनाच लागत नाही.

=================

आपलंच मन असून आपल्याला
मनापर्यंत पोहोचता येत नाही
ते कसं आपल्याला सारखी बोच लावतं
तसं त्याला जाऊन काही टोचता येत नाही

=================
 चंद्रशेखर गोखले 
fb @ https://www.facebook.com/chandrashekhar.gokhale.7

Tuesday, June 24, 2014

जीवन




जीवन

मरगळलेले शब्द नसावे
सळसळणारे गीत असो
नफ़ा फ़ायदा सोडून देऊन
कळवळणारी प्रीत असो

विलक्षणावर प्रेम असावे
ऐरे गैरे साथ नसो
जिवंत उत्साहात मरावे
कोमेजून शंभरी नको

सदा सजन आकाश दिसावे
पंखावर काजळी नको
भुषण येवो दूषण येवो
मार्गावर कुंपणे नको

जाईन आज किंवा मी उद्या
उरेल ना काही माघारी
पण जे जगलो क्षणभर त्याचा
किंचित पश्चात्ताप नको



- नाम गुम जायेगा
उर्फ सुनील सामंत
https://www.facebook.com/naamagumjaayegaa

Thursday, April 10, 2014

चेहरा

चेहरा
-----------

चेहऱ्यावरी चेहरा
न जाणे त्यावर किती मुखवटे

विश्वास अविश्वासाच्या
साऱ्या खुणाचं भासती

कधी हास्यामागे
आक्रंदने लपवती

खळी खुलताच
चेहरे नटती

कधी अभिनयाचे पाढे दिसती
कधी नाटकांचे प्रयोग रंगती

डोळे मात्र बोलके
अंतरीचे भाव सांगती …

~ विद्या पालकर

Saturday, February 8, 2014

विश्वास



एक विश्वास
एक ध्यास

एक आक्रोश
एक जल्लोष

एक आक्रंदन
एक धडपड

अन जगणे सफल ..........
~ विद्या

Related Posts Plugin for WordPress, Blogger...
 

COPYRIGHT

Creative Commons License
Me Marathi by Blogger is licensed under a Creative Commons Attribution-NonCommercial-NoDerivs 2.5 India License.
Based on a work at nurtureones.blogspot.in.
Permissions beyond the scope of this license may be available at http://nurtureones.blogspot.com/.

Pageviews last month

मराठी चित्रकविता

FOLLOW ME ON TWITTER

Follow vidyapalkar on Twitter

MARATHI BLOG

HIT COUNT